Të mbijetuarit e fshatit Pastasel të Rahovecit, bien e zgjohen me kujtimet tronditëse të masakrës së vitit 1999.
Ata tregojnë se si u masakruan të afërmit e tyre nga forcat serbe.
Beqir Krasniqi është njëri nga të mbijetuarit e masakrës së Pastaselit.
Ai, ende i ka të freskëta pamjet e përgjakshme.
Tregon se si arriti t’i shpëtoi tmerrit.
Pas gjuajtjeve me breshëri të paramilitarëve serb, Beqiri tregon se kishte rënë në lum, duke i shpëtuar edhe 13 persona të tjerë.
Por, fatin e Beqirit nuk e patën 106 shqiptarë të tjerë që u masakruan atë natë, ku kufomat e tyre shiheshin gjithandej.
Ky i mbijetuar nga tmerri i Pastaselit tregon se atë natë kishte edhe oficerë serb të cilët janë të njohur nga banorët e fshatit.
Kësaj masakre i shpëtoi edhe Tahir Limani.
A tregon se varrimi i kufomave të të vrarëve nga forcat serbe pati zgjatur katër ditë .
“Për shkak të mizorisë serbe ishte shumë e vështirë të identifikoheshin kufomat “, tregon ai për RTK-në
Beqir e Tahir Krasniqi, janë dëshmitarët e fundit të masakrës së Pastaselit.
Beqiri ka dëshmuar edhe në Tribunalin e Hagës./RTK/