Lidhja Demokratike e Kosovës në Prizren ka uruar të gjithë besimtarët muslimanë për festën e Kurban Bajramit.
“Edhe festa e Kurban Bajramit, na gjeti në rrethana të jashtëzakonshme për shkak të pandemisë Covid-19 duke na i pamundesuar vizitat tradicionale të urimit të Bajramit, prandaj përmes këtij telegrami, të dashur udhëheqës të Bashkësisë Islame të Prizrenit, pranoni urimet tona më të përzemërta me lutjen që Zoti i Madhërishëm, juve dhe gjithë besimtarëve të besimit mysliman, tu bekoj me paqe, solidaritet dhe dashuri për njëri-tjetrin”, thuhet në urim, transmeton PrizrenPress.
“Përmes jush, ne u përcjellim dëshirat tona më të mira besimtarëve të cilët, fatkeqësisht, edhe këtë Bajram do ti kenë mundësitë e kufizuara për festim e vizita”.
“Në këto rrethana pandemie, të shfrytëzojmë këtë festë të bekuar që të lutemi të gjithë për shëndetin e secilës familje, secilit të moshuar, secilit qytetar me sëmundje kronike dhe secilit fëmij, secilit besimtar dhe për shëndetin e njerëzimit anekënd globit”.
“Të mendojmë për ata që pandemia i ka goditur më së rëndi, ta shtriejmë dorën humanitare e të mbështesim njëri-tjetrin në këto ditë të rënda për njerëzimin”.
“Të lutemi për mëshirën e Zotit të Madhërishëm që të tejkalojmë këtë sfidë dhe që Bajramat tjerë ti festojmë në rrethana normale, me vizita në familje e tek të afërmit, miqtë e dashamirët, siç e ka zakon populli ynë”.
“Me shpresën se Zoti do ti pranoi lutjet tuaja e tonat, Juve dhe të gjithë besimtarëve, Gëzuar Kurban Bajramin!”/PrizrenPress.com/