Paolo Dybala dhe Juventusi po bisedojnë prej kohësh për rinovimin e kontratës. Sulmuesi argjentinas ka bërë një sezon mjaft të mirë dhe normalisht ka edhe oferta.
Real Madrid dhe Tottenham janë lakuar si opsione dhe bardhezinjtë duan më shumë se 100 milion euro në rast se vendosin ta shesin. Madrilenët thuhet se janë gati të ofrojnë një mes Isco e Kroos, plus para, për Dybala.
Corriere dello Sport zbulon se momentalisht bisedimet për rinovimin e kontratës janë “paralizuar” dhe kjo për shkak të kërkesës së lartë financiare.
20 milion euro në sezon kërkon Dybala nga Juventusi, një shifër shumë e lartë në kushtet kur një pjesë e mirë e klubeve kanë probleme financiare. Kjo ka zmbrapsur për momentin bardhezinjtë.