Nënkryetari i PDK-së Shaqir Totaj thotë se, pa këtë subjekt politik nuk mund të ecin përpara proceset në Kosovë.
Sipas tij, një gjë të tillë e kanë kuptuar edhe partit që dikur vendosnin ‘vija të kueq’.
“Kohë më parë kemi qenë dëshmitarë se LDK-ja ka pasur vija të kuqe për PDK-në, të cilat më tepër i kisha karakterizua si limitim i vizionit se sa që realisht kanë pasur të bëjnë me PDK-në”, tha Totaj për ‘QendraPress’.
Totaj shprehet se PDK-ja është gjenerator i lëvizjeve të mëdha.
“Tani vjen faza ku jo vetëm LDK-ja, por dhe partitë tjera, po e vërejnë se pa PDK-në, e cila është gjenerator i lëvizjeve të mëdha nuk ecin proceset në vend”.
“Heqjen e vijave të kuqe tani më tepër e kisha karakterizua si lëvizje në drejtim të pjekurisë politike të LDK=së që lidhet me faktin se po kuptojnë realitetin politik në Kosovë”.
Totaj tha se PDK-ja do të mbetet në opozitë.
“PDK mbetet në opozitë, por me qasje fleksibile dhe jo bllokues ndaj proceseve me rendësi për vendin.’’/PrizrenPress.com/