Kryetarja e Komisionit Qendror të Zgjedhjeve, Valdete Daka, ka theksuar se pjesëmarrja në votime e qytetarëve në tri qendrat e votimit në Mitrovicën e veriut, deri në orën 15:00 është 16.39 për qind.
“Duke u bazuar në raportin e Komisionit Komunal të Zgjedhjeve, dalja e votuesve, deri në orën 15, në tri qendrat e votimit në komunën e Mitrovicës veriore është 16.39 për qind, ose 3 831 votues nga të gjithë votuesit e këtyre tri qendrave në komunën e Mitrovicës së veriut”, ka bërë të ditur Daka.
Daka ka theksuar se deri në orën 12:00 nuk ka pasur raportime për ndonjë parregullsi që do ta lëndonte procesin zgjedhor.