Ish-kryetari i PDK-së, Kadri Veseli në seancën e parë gjyqësore të tij në sallën e gjyqit të Dhomave të Specializuara të Kosovës (DHSK) në Hagë, ka thënë se është tërësisht i pafajshëm për akuzat e që e rëndojnë.
Në pyetjen e gjyqtarit në lidhje me 10 aktakuzat me të cilët Veseli ngarkohet, njëjtë sikur ish- presidenti Thaci dhe ish- kryeparlamentari Krasniqi, Veseli u deklarua shkurt se është i pafajshëm.
“I dëgjova dhe i kam lexuar të gjitha pikat e aktakuzës. Më lejoni të deklarohem me bindje të plotë se jam tërësisht i pafajshëm në të gjitha pikat e aktakuzës”, tha Veseli.
Veseli akuzohet për këto vepra penale si krime lufte që janë: ndalim arbitrar, trajtim mizor, torturë dhe vrasje e paligjshme si dhe për këto vepra penale që janë krime kundër njerëzimit që janë: përndjekje, burgosje, akte tjera çnjerëzore, torturë, vrasje dhe zhdukje me forcë e personave. /Telegrafi/
Fillon seanca, Kadri Veseli paraqitet në sallën e gjyqit në Hagë
Kadri Veseli, një prej figurave kryesore të Ushtrisë Çlirimtare të Kosovës, është paraqitur në sallën e gjyqit në Dhomat e Specializuara në Hagë. Kjo është paraqitja e parë, që prej konfirmimit të aktakuzës ndaj tij, e bërë publike javën e parë të nëntorit 2020.
Ish-kryetari i Partisë Demokratike të Kosovës udhëtoi për në Hagë më 5 nëntor 2020, kur edhe u publikua aktakuza ndaj tij, për krime të pretenduara të luftës.
Një ditë pasi udhëtoi për në Hagë, hetuesit e Speciales në bashkëpunim me zyrtarë të EULEX-it bastisën banesën e tij Prishtinë.
Veseli, deri një javë më parë ishte numri një në PDK, prej ku dha dorëheqjen pas konfirmimit të aktakuzës ndaj tij.
Kadri Veseli paraqitet për herë të parë para Dhomave të Specializuara për t’u ballafaquar me akuzat e prokurorisë për krime të