Rrjeti i Grave të Kosovës (RrGK) ka kërkuar shkarkimin e zëvendëskryeministrit, Driton Selmanaj.
RrGK i ka dërguar letër kryeministrit Avdullah Hoti, me ç’rast atij i është kërkuar shkarkimi i Driton Selmanaj nga posti i tij, pas deklaratave ndaj deputetetës së Lëvizjes Vetëvendosje, Saranda Bogujevcit.
“Kemi një zyrtar qeveritar, zëvendëskryeministrin Driton Selmanaj, i cili jo vetëm që nuk i përfaqëson plotësisht interesat e qytetarëve të Kosovës, por madje po fyen drejtpërdrejt ata dhe përfaqësuesit e tyre si Saranda Bogujevcin, e cila ka përfaqësuar zërat tanë. Si zëvendëskryeministër, deklaratat e tij nuk përfaqësojnë thjesht atë si individ, por ato përfaqësojnë Qeverinë e Kosovës. Kështu, përmes tij, qeveria po ofendon qytetarët e saj”, thuhet në letrën e RrGK-së.