Liga e Kampionëve sot do të sjellë një ndeshje tejet interesante ndërmjet dy gjigantëve të futbollit, Barcëlonë – Juventus, që luhet në kuadër të ndeshjes së fundit në grupe.
Takimi do të zhvillohet në “Camp Nou”, nga ora 21:00.
Vëmendja e gjithë futbolldashësve do të jetë te dyshja e jashtëzakonshme Lionel Messi dhe Cristiano Ronaldo.
Të dy lojtarët do të jenë startues dhe pritet që të dhurojnë spektakël në këto ndeshje.
Ndeshjen e parë e kanë fituar blauranët në Itali me rezultat 0-2, por në këtë ndeshje mungoi Cristiano Ronaldo për shkak se ishte i infektuar me COVID-19.
Barcelona pozicionohet në vendin e parë me 15 pikë, kurse Juventusi në vendin e dytë me 12 pikë.
Bianconerëve i duhet një fitore me rezultat 1-3, ose 0-3, për ta marrë vendin e parë në të kundërtën do të mbetet në vendin e dytë.