Është nxjerrë trupi i pajetë i personit në Prizren, i cili pak më parë u sulmua me thikë nga djali i tij.
Ai si pasojë e plagëve të marra ka ndërruar jetë në vendin e ngjarjes.
Rastin për Express e ka konfirmuar edhe zëdhënësi i PK-së, Shaban Osmanollaj.
“Ju informojmë se sot me datë 25 dhjetor 2020, rreth orës 13:55 një qytetar e ka njoftuar stacionin policor Prizren-Veri se në lagjen Dardani, Rruga “Nazim Kokollari” është duke ndodhur një rast dhune në familje ku djali është duke i sulmuar prindërit. Patrulla policore ka arritë në vendngjarje dhe ka arrestuar personin e dyshuar M. H., rreth 30 vjeç, i cili e ka sulmuar prindin e tij me thikë. Si pasojë e plagëve të marra viktima (prindi) përkatësisht babai, rreth 50 vjeç ka ndërruar jetë. Emergjenca, njësitë policore dhe forenzika kanë dalë në vendin e ngjarjes”, ka thënë Osmanollaj, për Express.
