Xherdan Shaqiri dje u fut nga minuta e parë në ndeshjen derbi ndaj Manchester Unitedit, e cila ishte shumë e rëndësishme për të dyja ekipet në luftën për titull.
Por, ndeshja u mbyll ashtu si filloi, me rezultat 0:0.
Për Shaqirin, kjo ndeshje kishte më shumë domethëne. Ai arriti në shifrën e 50 paraqitjeve me skuadrën e Liverpoolit.
Në profilin e tij zyrtar në Twitter ai u shpreh krenar pas kësaj arritjeje.
“Krenar që regjistrova paraqitjen e 50-të për Liverpoolin” – u shpreh ylli i Liverpoolit.
Shaqiri u transferua në “Anfield Road” në vitin 2018 nga Stoke City, ndërsa paraprakisht ka luajtur edhe për Interin, Bayern Munichun e Baselin.