Kryetari i Komunës së Prizrenit, Mytaher Haskuka dhe drejtoresha e Drejtorisë Komunale të Arsimit, Xhemile Thaçi Vezgishi, sot kanë parë nga afër punimet që po vazhdojnë për ndërtimin e çerdhes publike në lagjen Ortakoll.
Me këtë rast, kryetari Haskuka deklaroi se përveç 6 klasave mësimore, kuzhinës, trapezarive, administratës dhe nyjeve sanitare, kjo çerdhe 1.533 metër katrorësh, brenda saj do të posedojë edhe hapësira moderne për ofrimin e shërbimeve pedagogjike.
Po ashtu, kryetari Haskuka theksoi se kjo çerdhe publike, e cila sipas bisedimeve me operatorin ekonomik pritet të përfundojë në një afat rekord deri në fund të vitit, do t’i plotësojë të gjitha kushtet e nevojshme për edukimin cilësor të fëmijëve.
