Shaqir Totaj, nënkryetar i Partisë Demokratike të tha se nuk e priste një rezultat me kaq shumë diferencë votash por sidoqoftë vullneti i popullit do të respektohet deri në fund.
Në intervistën për Euronews Albania, Totaj tha procesi i reformimit të partisë duhet jo vetëm të vazhdojë por dhe të intensifikohet.
Për shkak se skena politike është shumë dinamike, nënkryetari i PDK-së tha se duhet analizuar nga organet e partisë se çfarë duhet të ndryshoje e çfarë duhet të përmirësohet.
Shaqir Totaj nuk kishte një përgjigje të saktë nëse do të jetë PDK-ja e gatshme të votojë për një president të propozuar qoftë dhe nga Lëvizja Vetëvendosje.
“Ne do të jemi konstruktiv dhe do të kemi në rend të parë interesin e funksionimit apo mbarëvajtjes së punëve të shtetit ndërsa për diçka më tepër, na duhet të konsultohemi me organet e partisë para se të marrim jë qëndrim se si do të veprojmë,” – tha ai.
Ndërkohë ai pohoi gjithashtu se nëse Thaçi e Veseli do të kishin qenë pjesë e zgjedhjeve zhvillimet dhe rezultati do të ishin ndryshe.