Policia në Suharekë ka hapur një rast mëngjesin e ditës së djeshme për prishje të rendit dhe qetësisë publike.
Siaps njoftimit të policisë, rasti ka ndodhur në fshatin Shirokë të Suharekës, kur patrulla e policisë ka ndaluar një automjet dhe gjatë shqiptimit të një tikete për mosvendosjen e maskës, i dyshuari është revoltuar dhe ka ofenduar zyrtarët policor.
Në bazë të njoftimit, i dyshuari pa lejen e policisë, është larguar me automjet, ndërsa policia ka arritur sërisht që ta ndalë të dyshuarin, dhe të njëjtin e ka shoqëruar në polici.
Pas intervistimit, me urdhër të prokurorit, i dyshuari është liruar në procedurë të rregullt.