Kryetari i Komunës së Prizrenit, Mytaher Haskuka, ka ngushëlluar familjen e zyrtarit të LDK-së, Ridvan Hoxha, i cili vdiq sot nga COVID-19.
Haskuka ka thënë për Hoxhën se ishte një mësimdhënës, aktivist politik e shoqëror, sportist dhe një qytetar shembullor.
“Ridvan Hoxha do të na mungojë të gjithëve si një qytetar aktiv, gjithmonë pozitiv dhe i buzëqeshur!
Në emër të qytetarëve të Prizrenit dua të shpreh ngushëllimet e mia të sinqerta familjarëve, miqve dhe kolegëve! Zoti ju dhaftë durimin që ta përballoni dhimbjen!”, ka shkruar Haskuka.