Deputeti i VV-së, Arbër Rexhaj, ka thënë në emisionin dPt te Fidani në T7 se dikush nga deputetët e PDK-së i ka fyer deputetet e VV’së në bazë gjinore me term pezhorativ.
Ai ka thënë se gjërat u tensionuan në Kuvend dhe se u përdorën fjalë të rënda.
Kur u pyet se a ishte fjala “lavire” ajo që ishte thënë nga deputetët e PDK-së.
“Ashtu diçka e përafërt. Sinonimi i asaj fjalë është ajo fjalë. Po ajo ishte fjala e përdorur”, tha Rexhaj kur u pyet nëse ishte fjala “lavire”.
Tutje ai ka thënë se situata nuk eskaloi për shkak të deputetëve të VV-së.
“Për shkak se ne ruajtëm qetësinë situata në Kuvend nuk eskaloi. Më vjen keq për këtë nivel të treguar në seancën e sotme. Situata u tensionua pas fjalimit të Donika Gërvallës”, tha ai. /Express/