Reshjet e shiut kanë kapluar sot disa prej qyteteve të Kosovës, pas temperaturave të larta që mbizotëruan ditëve të fundit.
Në fshatin Delloc të Suharekës, përpos shiut, ka rënë edhe breshër. Në një video të publikuar në Facebook nga MeteoBallkan, shihet se në këtë fshat ka reshje të mëdha të shiut dhe breshrit.
Ndryshe, edhe në Vushtrri, Klinë e Istog ka pasur sot reshje të shiut dhe breshrit.
Instituti Hidrometeorologjik i Kosovës ka bërë të ditur se gjatë të mërkurës dhe enjtes do të ketë temperatura më të ulëta si dhe reshje shiu e shpërthime rrufesh.