3.8 C
Prizren
E martë, 29 Nëntor, 2022

Detaje për rrahjen në Prizren, ku mbeti i lënduar një person dhe u arrestuan dy të tjerë

Një rrahje mes tre personave ka ndodhur gjatë ditës së djeshme në afërsi të “My Market” në Prizren, ku për pasojë një person ka pësuar lëndime të rënda trupore. Kurse të dyshuarit janë arrestuar gjatë ditës së sotme.

Policia sot ka realizuar një bastisje për këtë rast pasi që dyshohet se gjatë rrahjes është ekspozuar edhe një armë.

Si ka ndodhur ngjarja?

Prokuroria e Prizrenit në një përgjigje për Sinjalin ka njoftuar se pas një mosmarrëveshje të çastit tre të dyshuarit H.P., A.K. dhe K.T. e kanë sulmuar fizikisht viktimën duke e goditur atë me kokë dhe me grushte.

Si pasojë e lëndimeve të marra, viktima fillimisht është dërguar në emergjencën e Spitalit në Prizren, mirëpo për shkak të gjendjes së rënduar shëndetësore, i njëjti është transferuar për në Qendrën Klinike Universitare, ku dhe po vazhdon trajtimin.

Prokuroria ka njoftuar se të dyshuarit gjatë përleshjes kanë qenë të armatosur.

Tutje në përgjigjen e Prokurorisë për Sinjalin bëhet e ditur se policia ka arritur që t’i identifikojë të dyshuarit përmes kamerave të sigurisë të cilët dhe më pas i ka arrestuar.

Policia në banesën e të dyshuarit H.P., ka gjetur dhe sekuestruar një pistoletë lodër dhe një këllëf të pistoletës.

I dyshuari H.P., ka pranuar se pistoletën e ka pasur me vete në kohën kur ka ndodhur rrahja.

Me vendim të Prokurorit të dyshuarit H.P. dhe A.K., janë dërguar në mbajtje për 48 orë, kurse i dyshuari tjetër K.T., është liruar në procedurë të rregullt.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata

Më Shumë

U bë e famshme në 2018-n, zhvishet modelja seksi e Kroacisë (FOTO)

Pasi u bë e famshme në vitin 2018, tifoja më seksi e Kroacisë është zhveshur sërish për Kupën e Botës. Ajo është 30-vjeçarja, Ivana Knoll...

Arrestohet personi i kërkuar në Malësi të Re të Prizrenit

Një person është arrestuar në fshatin Malësi e Re të Prizrenit. Ai ka qenë I kërkuar nga gjykata. Njoftimi I policisë Fsh. Malësi e Re 26.11.2022 –...

Flamuri dhe qeni

Lajmet e Fundit