Sot ka filluar seria e dëgjimeve publike për hartimin e buxhetit për vitin 2022.
Mbledhja u mbajt në fshatin Gjonaj, me banorët e rajonit të Hasit, të cilin e hapi kryetari i Komunës së Prizrenit, Mytaher Haskuka.
Më pas drejtoresha e Ekonomisë dhe Financave, Leonora Çerreti vazhdoi me prezantimin e planifikimit të buxhetit 2022-24.
Gjatë këtij takimi të pranishëm ishin edhe drejtorët komunal, të cilët pranuan propozimet dhe kërkesat e banorëve të këtij rajoni.
Ky është dëgjimi i parë publik për hartimin e buxhetit për vitin 2022, ndërkaq javën e ardhshme do të mbahen edhe pesë dëgjime të tjera.