Një tjetër sulm në aeroportin e Kabulit pritet që të ndodhë sot. Kjo u njoftua nga presidenti i Shteteve të Bashkuara të Amerikës, Joe Biden i cili tha se komandantët ushtarak e kanë njoftuar se një sulm i tillë mund të ndodh të dielën.
Departamenti i Shtetit u ka bërë thirrje të gjithë qytetarëve amerikanë të largohen nga zona pranë aeroportit për shkak të një “kërcënimi që pritet të ndodhë”.
SHBA po vazhdon ende evakuimet, por trupat përfundimtare britanike, diplomatët dhe zyrtarët tani janë larguar nga Kabuli, shkruan BBC, transmeton Klankosova.tv.
Një sulm me dy bomba ndodhi të enjten pranë aeroportit, sulm ky i cili la të vdekur 170 persona dhe qindra të tjerë të plagosur.
Një degë lokale e grupit të Shtetit Islamik (IS-K) në provincën e Horasanit thuhet se është shkaktare e sulmit të ditës së enjte.
Të premten SHBA-të kryen një sulm me dron në Afganistanin lindor duke njoftuar se kanë vrarë dy pjesëtarë të lartë të (ISK-).
“Kjo grevë nuk ishte e fundit. Ne do të vazhdojmë të gjejmë çdo person pjesëmarrës në atë sulm dhe t’i bëjmë ata që ta paguajnë,” tha Biden në një deklaratë.
IS-K është grupi më ekstrem dhe më i dhunshëm nga të gjitha grupet militante xhihadiste në Afganistan dhe ka dallime të mëdha me talibanët, të cilët tani kontrollojnë pjesën më të madhe të vendit.
Talibanët e dënuan sulmin ajror, duke thënë se amerikanët duhet të ishin konsultuar së pari me ta.