Kandidati i PDK-së për kryetar të Prizrenit, Shaqir Totaj, ka vizituar disa biznese me c’ rast ka dëgjuar nga afër problemet me të cilat ballafaqohen ato.
“Nga afër u njoha me sfidat që përballen e nevojat që kanë për të avancuar tutje punën e madhe që bëjnë si biznese. Pas diskutimeve të frytshme me zejtarët prizrenas, atyre u premtova se si kryetar i ardhshëm i Prizrenit do t’i ndihmoj e përkrah pa ndalur drejt sukseseve”, shkruan Totaj.
“Për shkak të goditjes nga pandemia, do të përkujdesem që si komunë të adresojmë në mënyrë urgjente rimëkëmbjen e tyre ekonomike”.
“Me bizneset biseduam edhe rreth përmirësimit të kushteve për punëtorët e rritjen e punësimit në mënyrë që ulim ikjen e të rinjve jashtë vendit. Përpjekja për zhvillimin ekonomik të komunës sonë është e përbashkët”./PrizrenPress.com/