Pesë gjyqtarë të Gjykatës Themelore në Prizren i janë futur garës për të udhëhequr me Gjykatën Themelore në Prizren për pesë vitet e ardhshme.
Në mesin e këtyre kandidatëve janë ish-kryesuesi i Këshillit Gjyqësor të Kosovës, aktualisht gjyqtari Skender Çoçaj, dhe katër gjyqtarët Shpresa Emra, Shaban Shala, Agron Hoxhaj dhe Atdhe Berisha, raporton “Betimi për Drejtësi”.
Për më shumë se 16 muaj, Gjykata Themelore në Prizren është duke funksionuar pa kryetar, por vetëm me ushtrues detyre të kryetarit.
Që nga data 4 korrik 2020 kjo gjykatë udhëhiqet nga ushtruesi i detyrës së kryetarit të kësaj gjykate, gjykatësi Artan Sejrani./BetimipërDrejtësi