Trajneri i Romës, Jose Mourinho, nuk e ka pranuar çmimin komik “Tapiro d’Oro”, siç e kishte bërë edhe më 2009 kur ishte trajner i Interit.
Ky çmim ndahet nga programi televiziv satirik “Striscia La Notizia” dhe i jepet njerëzve që dalin në lajme për diçka e cila i ka zhgënjyer ata, raporton Gazeta Express.
Shumicën e kohës pranohet me të qeshura dhe me hirësi, por ka të tillë të cilët nuk dëshirojnë të luajnë në valle me emisionin e Canale 5.
Kur prezantuesi i televizionit Valerio Staffelli mbërriti në qendrën stërvitore në Romë me çmimin në dorë, Mourinho vendosi ta injorojnë atë plotësisht, duke u futur në veturë pa folur fare dhe u largua.
Të njëjtën gjë Mourinho e kishte bërë edhe më 2009, kur ishte trajner i Interit.