10.5 C
Prizren
E mërkurë, 14 Maj, 2025

“Emri i fituesit të Topit të Artë, do t’i gëzojë të gjithë”

Çmimi më prestigjioz individual në futboll, Topi i Artë, do t’i dhurohet lojtarit më të mirë në botë për vitin 2021, të hënën më 29 nëntor.

Në mediat e ndryshme, kanë çarkulluar emra të ndryshëm si fituesi i Topit të Artë, por ndryshe nga vitet tjera, duket se kjo do të mbetet surprizë deri në momentet e fundit.

Sipas sondazheve të ndryshme, tre favoritët kryesor për të marrë me vete në shtëpi Topin e Artë, janë Lionel Messi, Robert Leëandoëski dhe Karim Benzema.

Për të parin, një triumf do të ishte Topi i shtatë i Artë, kurse për dy të tjerët, i pari në karrierë.

Sot, në një intervistë për televizionin francez, Telefoot, ka folur kryeredaktori i gazetës i France Football, Pascal Ferre.

Tash e pesë vite, France Football dhuron Topin e Artë përsëri.

Deklarata e Ferre ka trazuar edhe më shumë idenë dhe qartësinë mbi fituesin e këtij Topi të Artë.

“Tifozët e futbollit do të gëzohen, emri i fituesit të Topit të Artë do t’i gëzojë të gjithë”, tha Ferre.

“Jam shumë i bindur për këtë gjë”, tha ai.

Në fund, ai zbuloi që fituesi tashmë e di se ka fituar, por publiku ende.

“Fituesi e di”, tha Ferre.

“Shkuam ta bëjmë një intervistë të madhe, një set fotografik”, zbuloi ai, “e gjitha u bë fshehtë, askush nuk na dalloi, ai ishte shumë i gëzuar, si të gjithë fituesit çdo vit”.

Nesër në mbrëmje, do të kuptohet emri i fituesit të Topit të Artë numër 65, dhe deri atëherë, emocionet janë në kulm.

/Albanianpost.com

Më Shumë

Pa ujë çdo ditë nga ora 16:00 deri 23:00 në Malishevë – deri në vendosjen e pompave të reja

Kompania Rajonale e Ujësjellësit “Hidroregjioni Jugor” në Prizren ka bërë të ditur se për shkak të mosfurnizimit të rregullt me ujë në disa zona...

Super spektakli i basketbollit vazhdon në Prizren

Finalet e “Play-off”-it po dhurojnë spektakël të basketbollit. Sfida me dramë dhe adrenalinë, raporton PrizrenPress. Bashkimi dhe Trepça po kërkojnë titullin e kampionit, derisa seria finale...

Lajmet e Fundit