Real Madrid dëshiron ta ketë në skuadër mesfushorin e Milan-it, Franck Kessie, të cilët për ta transferuar atë, janë gati t’i propozojnë kuqezinjve një shkëmbim me futbollistin e tyre, Isco-n.
Kontrata e Kessie-t me Milan-in skadon në verën e ardhshme, andaj sipas gjitha gjasave ai nuk do ta vazhdojë atë, pasi që oferta financiare e klubit, nuk përmbush kërkesat e tij.
Nga ky episod kërkojnë të përfitojnë madrilenët, të cilët e pëlqejnë shumë futbollistin 24 vjeçar.
Në anën tjetër edhe Isco nuk po gjen hapësirat e duhura në klubin e Madridit, i cili tashmë është i gatshëm të braktisë skuadrën, për të luajtur më shumë minuta në ndonjë klub tjetër.
Milan-i gjithashtu e kishte kërkuar prej kohësh futbollistin spanjoll, ofertat e të cilëve ishin refuzuar vazhdimisht nga presidenti i Real-it, Florentino Perez.
Tani madrilenët janë të bindur se drejtuesit e Milan-it do të pranojnë këtë shkëmbim, i cili sipas mediave spanjolle, mund të ndodhë në janarin e ardhshëm, pasi që në qershor Kessie do te mbetej futbollist i lirë.
Por, nuk duhet harruar se shumë klube të mëdha evropiane janë vënë pas 24 vjeçarit, andaj për transferimin e tij, madrilenët duhet të përballen me një konkurrencë të fortë.
Kujtojmë që Kessie po zhvillon një sezon shumë të mirë me klubin e Milanos, i cili në këtë sezon ka luajtur në 17 ndeshje, duke realizuar tre gola dhe duke dhuruar një asistim.
Ndërkohë, ai është pjesë e kuqezinjve që nga vera e vitit 2017, kur u transferua nga skuadra e Atalanta-s për shumën e 32 milionë eurove.
Kurse, spanjolli Isco tani ka humbur vendin e titullarit me klubin mbretëror, i cili këtë sezon ka luajtur vetëm në shtatë ndeshje (asnjë titullar), duke shënuar vetëm një gol.
/Albanianpost.com