Një kirurg plastik nga India, që shumë e konsiderojnë super-hero të vërtetë, pjesën më të madhe të jetës e ka kaluar duke kryer mbi 37 mijë operacione pa pagesë tek fëmijët – përkatësisht duke intervenuar tek çarjet e qiellzës dhe buzës.
Çarja e qiellzës dhe buzës janë “defekte” gjatë lindjes dhe rrallë shfaqen, kur goja e foshnjës apo buza nuk formohen siç duhet gjatë shtatzënisë, transmeton Telegrafi.
E këto shkaktojnë probleme të ndryshme, madje foshnjat nuk mund të thithin qumështin e nënës.
Këto probleme janë zgjidhur me ndihmën e kirurgjisë plastike, por këto procedura për fat të keq nuk janë të qasshme për familjet e varfra që më së shumti edhe kanë nevojë.
Në Indi, një kirurg plastik ka ndihmuar mijëra familje duke kryer “përmirësime” falas, dhe duke ju ofruar një jetë më të mirë dhjetëra mijëra fëmijëve.
I lindur në një familje të varfër në Waranasai në shtetin indian Utar Pradesh, dr. Sbod Kumar Sing është dashur të ballafaqohet me shumë sfida gjatë fëmijërisë, që edhe e frymëzuan të ndihmojë ata që kishin më së shumti nevojë.
Pasi humbi babanë, punonjësin e hekurudhave, kur ishte 13-vjeç, Subod dhe tre vëllezërit e tij të mëdhenj u detyruan ta mbajnë familjen duke shitur lule, sapunë e syze nëpër rrugë.
Vëllezërit e tij braktisën shkollën për ta mbajtur familjen, të kujdesen që ai do të vazhdojë studimet dhe të plotësoj ëndrrën që të bëhet mjek.
Edhe pse gjate studimeve ka kryer punë të ndryshme për ta ndihmuar familjen, King ka arritur të diplomohet në Institutin e Shkencave Medicinale, duke përfunduar studimet postdiplomike në kirurgji dhe specializoi për kirurgji plastike.