Një aksion i gjerë i bastisjeve ka nisur që në orët e para të mëngjesit të sotëm në Shtërpcë.
Aksioni i Policisë së Kosovës është duke u zhvilluar në dyshimet për korrupsion me ndërtimet në Brezovicë.
Deri më tani janë disa persona të arrestuar të dyshuar për korrupsion. KALLXO.com merr vesh nga vendi i ngjarjes së janë bastisur rreth dhjetë lokacione deri më tani, përfshirë edhe shtëpinë e ish-kryetarit të Shtërpcës.
Po ashtu merret vesh se janë bastisur edhe prona të zyrtarëve të lartë të Listës Serbe në këtë komunë.
Kryeprokurori i Ferizajt, Shukri Jashari nga vendi i ngjarjes ka konfirmuar se ky është një ndër aksionet më të mëdha kundër korrupsion i realizuar gjatë këtij viti.
Ai ka konfirmuar se aksioni është duke u zhvilluar ndaj të dyshuarve për përfshirje në korrupsion dhe ryshfet.