Policia në Prizren, ka arrestuar të dyshuarin për posedim të sasisë të substancës së dyshuar narkotike, e llojit marihuanë në peshë 3.14 gram.
Lajmi është bërë i ditur përmes raportit 24 orësh të Policisë së Kosovës, ku thuhet se gjatë kontrollimit të trupit nga ana e Policisë, të dyshuarit i është gjetur dhe sekuestruar substanca narkotike.
Tutje, në raport thuhet se më pas, gjatë kontrollit në shtëpinë e të dyshuarit i janë gjetur dhe sekuestruar edhe 7 copë fishekë dhe 5.18 gram marihuanë.
Sipas Policisë, me vendim të prokurorit, i dyshuari është arrestuar dhe dërguar në mbajtje dhe se, rasti është në procedurë hetimore