SHBA ka siguruar informata nga shërbimet e saja inteligjente se trupave ruse u është dhënë leja për të pushtuar Ukrainën, raporton sot televizioni CBS News.
Sipas CBC News, informatat e siguruara nga amerikanët tregojnë se komandantët rusë kanë bërë “plane specifike” për manovrat në fushë-betejë.
Informatën e raportoi David Martin, korrespondent për siguri kombëtare në CBS News.
“Inteligjenca [e SHBA-ve] thotë se trupat ruse në fakt kanë marrë urdhra tani për të vazhduar me pushtimin”, tha gazetari i CBS News, Martin.
“Pra, jo vetëm që po i afrohen gjithnjë e më shumë kufirit dhe këtyre pozicioneve të sulmit, komandantët në terren po bëjnë plane specifike se si do të manovrojnë në sektorin e tyre të fushëbetejës”.
Raportimi i CBS News nuk është verifikuar ende nga linjat zyrtare të shtetit amerikan.