Tifozët e Chelsea nuk do të jenë në gjendje të marrin pjesë në ceremoninë përkujtimore për ikonën e klubit, Peter Bonetti këtë javë. Edhe pse biletat do të jepeshin falas, pas sanksioneve të qeverisë ndaj pronarit të klubit, Roman Abramovich-it, atyre iu është ndaluar që të shpërndajnë bileta.
Stafi i klubit është udhëzuar që ofrimi i biletave, madje edhe ato falas, shkel sanksionet e rrepta financiare ndaj Abramovich-it.
Ish-portieri, i mbiquajtur ‘Macja’ për reflekset e tij të shpejta dhe stilin elegant të lojës, bëri 729 paraqitje për blutë dhe gëzon statusin e legjendës në klub.
Një memorial për Bonetti-n, i cili vdiq në prill të vitit 2020 në moshën 78-vjeçare, do të organizohet në orën 14:00 të së premtes në “Stamford Bridge”.
Megjithatë, ata që blenë bileta para vendosjes së sanksioneve, apo kanë bileta sezonale do të jenë të pranishëm në stadium.
/Albanianpost.com