Kryetari i komunës së Rahovecit, Smajl Latifi, ka vazhduar takimet publike me qytetarë për kërkesat e tyre dhe ecurinë e projekteve në këtë komunë.
Latifi ka mbajtur takime publike me banorët e fshatrave Fortesë, Sapniq dhe Xërxë.
Ai ka paraqitur para banorëve projektet të cilat janë përfunduar, ato në proces dhe planet dhe projektet e planifikuara për vitet në vijim bazuar në projeksionet buxhetore.
Ndër kërkesat të cilat banorët paraqitën ishin ndërtimi i shkollës në Xërxë, rregullimi i shtretërve të përrenjve, ndryshimi i statusit të AMF-së në Xerxë, vazhdimi i kanalizimit, ndriçim, rrugë fushore, kubëzim i rrugëve lokale, rrethrrotullimi në Sapniq, etj.