Mbajtja e armëve pa leje është një dukuri që po lulëzon në të gjitha qytetet dhe po prek në veçanti të rinjtë, duke e cenuar sigurinë e qytetarëve.
Një rast i tillë është zbuluar edhe dje në magjistralen Dragash – Prizren, ku gjatë patrullimit në një pikë kontrolli, Policia ka ndaluar një veturë, nën dyshimet për gjësende të kundërligjshme.
Gjatë kontrollimit të veturës dhe të të dyshuarit, zyrtarët policorë kanë gjetur dhe sekuestruar një armë të zjarrit me rreth 20 fishekë.
Për shkak të posedimit të armës, i dyshuari është shoqëruar në stacion policor, ku është intervistuar nga hetuesit policorë për veprën për të cilën ngarkohet.
Burimet e Sinjalit kanë bërë të ditur se Prokurori i Shtetit ka urdhëruar që ndaj të dyshuarit të iniciohet rasti për posedim të paautorizuar të armëve.