Ish-kryeministri i Kosovës Avdullah Hoti, ka thënë se situata depresive dhe e pasigurisë në Kosovë erdhi si rezultat i mosveprimit të qeverisë.
Hoti tha se një qeverisje e motivuar për punë do të duhej të ishte komunikuese me parterët social për t’i evituar problemet me të cilat po përballemi dhe jo të jetë e shtyer nga populizmat.
“Situata depresive dhe e pasigurisë në Kosovë është kryesisht rezultat i veprimeve/mosveprimeve të Qeverisë ndaj zhvillimeve ekonomike e politike në Kosovë dhe rajon. Një qeverisje e mbarë dhe normale, e motivuar për punë e jo e shtyrë nga populizmat, komunikuese me partnerët social, do t’i kishte evituar problemet me të cilat po përballemi, ose së paku do t’i kishte zbutur pasojat për qytetarët” – tha Hoti.