Prej katër ditësh Admir Adili rreth 26 vjeçar nga fshati Borje e Shqipërisë vazhdon të jetë i zhdukur. Ai të dielën e 4 shtatorit kishte dalë në bjeshkët e fshatit Brod, të Dragashit për të mbledhë Boronica, por nuk ishte kthyer bashkë me shokët e tij nga atje.
Këto detaje janë bërë të ditura nga Policia e Kosovës të cilët janë vënë në kërkim të të riut pas raportimit si i zhdukur nga familjarët e tij.
“Që nga momenti i raportimit të personit si person zhdukur Policia e Republikës së Kosovës dhe Republikës së Shqipërisë kanë filluar një operacion kërkim –shpëtimi. Me datat 05, 06 dhe 07 Shtator operacioni është zgjeruar, në këtë operacion përveç policisë së të dy vendeve janë përfshirë FSK –ja, Shoqata e Kosovës për Kërkim-Shpëtim dhe vullnetar”, është bërë e ditur nga Policia.
Ndërkohë sot drejtori rajonal i Policisë së Prizrenit, Faton Alija, ka urdhëruar që në operacion të dërgohet edhe Njësia e Reagimit të Shpejt si dhe hetuesit rajonal për të marr rastin në kompetencë.
“Përpos personelit të përfshirë në këtë rast, FSK-ja ka përdorur për kërkim edhe qentë e terrenit dhe motoçikleta me 4 rrota për terrene malore. Po ashtu, Policia e Shqipërisë, ka përdorë dhe vazhdon ta përdor dronin”, thuhet në njoftim.
