(I plotësuar) Sot në Tiranë kryetari i Nismës Socialdemokrate, Fatmir Limaj, ka takuar kryeministrin e Shqipërisë, Edi Rama, me të cilin ka biseduar për aktualitetin politik në Kosovë dhe Shqipëri.
“Kryeministrin Rama e përgëzova dhe e falenderova për iniciativën dhe paraqitjen e tij në Asamblenë e Përgjithshme të Këshill të Europës”.
“Rezoluta e Parlamentit të Shqipërisë dhe fjalimi i kryeministrit Rama vijnë si rrjedhojë e një të vërtete të madhe”, ka thënë Limaj.
Gjatë këtij takimi, Limaj ka theksuar rëndësinë e domosdoshme që raportet tona si dy vende të ngriten në nivelin më të lartë të mundshëm.
“Kryeministri Rama u shpreh i gatshëm që të ofroj gjithë ndihmën e shtetit shqiptar për proceset nëpër të cilat po kalon Kosova”, ka theksuar Limaj.
Edi Rama takon për kafe Fatmir Limajn (foto)
Kryeministri i Shqipërisë, Edi Rama, ka bërë të ditur se është takuar me Fatmir Limajn, kryetarin e Nismës Socialdemokrate.
Ai, me anë të një postimi në rrjetin social Facebook, ka thënë se me Limajn kanë pirë kafe.
“Liria ka emër”, janë fjalët e mbishkrimit të Ramës në fotografinë e publikuar me Limajn.
