Dy inspektorë të Komunës së Prizrenit, janë sulmuar dje nga një qytetar I nacionalitetit turk.
Inspektorët kishin dalë në vendin e ngjarjes për shkak të disa problemeve me ujë apo kanalizim dhe aty janë ballafaquar me të dyshuarin.
Motivi që shtyu të dyshuarin të bëjë këtë veprim, dyshohet të jetë raporti i lëshuar nga inspektorët, të cilin kërkoi që ta ketë në gjuhën e tij amtare dhe jo në gjuhë shqipe.
I moshuari i revoltuar dyshohet se ka sulmuar viktimat, me ç’rast është nevojitur intervenimi i organeve të rendit.
Policia ka arritur që ta arrestojë 71-vjeçarin, i cili më pas u shoqërua në stacion policor për intervistim.
Me urdhër të prokurorit, ndaj tij është iniciuar rasti për veprën ‘Sulm ndaj personit zyrtar’.Gazeta Sinjali.