Carlo Ancelotti, trajneri i Real Madridit, është shprehur i kënaqur me fitoren dhe paraqitjen e skuadrës së tij kundër Cadiz.
‘Mbretërit’ mbrëmë mundën Cadiz-in (2-1), në kuadër të La Ligës.
Tekniku italian tha se pushimi për shkak të Kupës së Botës ‘Katar 2022’, vjen në kohën më të mirë. Ai thotë së ndihet mirë që Reali do të pushojë në kohën kur ka grumbulluar 35 pikë.
“Pushimi vjen në një moment të mirë për ne. Kemi bërë një gjysmë sezon të mirë. Tani mund të pushojmë duke e ditur që kemi 35 pikë në kampionat dhe kjo është më shumë së vitin e kaluar”, tha Ancelotti.
Ai ka folur edhe për Botërorin ‘Katar 2022’ që nis pas pak ditësh.
Kupa e Botës? Do ta shikoj nga shtëpia. Nuk ka favoritë, shpresojë të shohim një Botëror të mirë dhe lë të fiton skuadra më e mirë. Fatkeqësisht Italia nuk do të jetë atje”, ka theksuar Ancelotti.