Do të duhej një ofertë prej 60 milionë euro për ta bërë Eintracht Frankfurt të mendojë për shitjen e Randal Kolo Muani-t, sipas “Sport Bild”.
Kjo nuk do të thotë domosdoshmërisht se Frankfurt do të shiste me atë çmim, megjithatë, me Sport Bild që raporton se skuadra e Bundesliga-s shpreson që sulmuesi francez një ditë mund të gjenerojë 80-100 milionë euro.
Sulmuesi 23-vjeçar ka qenë në formë të shkëlqyer pasi iu bashkua Eintracht Frankfurt si një transferim i lirë nga Nantes verën e kaluar.
Deri më tani, ai është paraqitur 25 herë për “Die Adler” me tetë gola dhe 11 asistime në emër të tij.
Forma e tij e mirë me skuadrën gjermane bëri Didier Deschamps që ta grumbullonte atë me ekipin për Kupën e Botës në Katar, ku dhe ndodhet aktualisht.
Në fakt, ai ishte me fat teksa mori vendin e të dëmtuarit, Christopher Nkunku. Por tashmë ai është pjesë e Francës, e cila mbrëmjen e të martës nisi mbrojtjen e titullit kampion me një fitore me përmbysje 4-1 ndaj Australisë. Megjithatë, Muani nuk mundi të marrë asnjë minutë. /Albanianpost.com