Kryetari i Prizrenit, Shaqir Totaj, ka mbajtur të martën mbledhjen e rregullt javore me drejtorët komunal.
Pas mbledhjes, zëdhënësja e komunës, Jona Hoxha, ka njoftuar për raportimet e drejtorëve para kryetarit, Shaqir Totaj, rreth angazhimëve njëjavore të dikasterëve që ata drejtojnë dhe planifikimin për ditët në vijim.
Në këtë mbledhje, drejtori i Mirëqënes Sociale, ka raportuar për shpërndarjen e druve për 150 familjet e dëshmorëve, invalidëve të luftës dhe familjeve me asistencë sociale. Furnizimi me dru po vazhdon edhe për familjet e tjera që i takojnë këtyre kategorive, ka njoftuar zëdhënësja Hoxha.
Ndërkaq, në raportin e drejtorit për Shërbime Publike, është njoftuar për intensitetin e lartë të realizimit të projekteve kapitale, ku deri në fund të këtij viti pritet të përfundojnë shumë projekte infrastrukturore që janë mbi 40 projekte sosh në gjithë territorin e komunës që janë në proces e sipër, tha zëdhënësja Hoxha.
Ndërsa, në raportin e drejtorit për Kulturë, Rini e Sport, është njoftuar për punimet intensive në rinovimin e Qendrës Sportive “Sezai Surroi”, në fushën sportive në shkollën e Gjonajt, ka filluar rregullimi i zhveshtoreve në Stadiumin “Përparim Thaçi” si dhe po vazhdojnë punimet në rinovimin e Shtëpisë së Kulturës “Xhemajli Berisha”, njoftoi ajo.Edhe në këtë mbledhje, të gjithë drejtorët e pranishëm kanë raportuar para kryetarit Totaj.TV Prizreni