Deputeti i Listës Guxo, Haxhi Avdyli, ka mirëpritur emërimin e Arben Vitisë në pozitën e ministrit të Shëndetësisë.
Ai ka thënë se “tani shëndetësia ka adresë politike”, teksa është zotuar se do të jenë bashkë për “të avancuar reformimin e sistemit tonë të brishtë shëndetësor”.
“Sukseset në reformimin e sistemit, e rritjen e cilësisë së shërbimeve, mbetet përgjegjësi e të gjitha hallkave e akterëve kudo që janë, qofshin menaxherë, OJQ, ekspertë, politikanë në pozitë, bile edhe atyre në opozitë”, ka shkruar Avdyli në “Facebook”.
Postimi i plotë i Avdylit:
E mirëpres lajmin për emërimin Arben Vitia si ministër të Shëndetësisë.
Tani shëndetësia ka adresë politike.
Por sukseset në reformimin e sistemit, e rritjen e cilësisë së shërbimeve, mbetet përgjegjësi e të gjitha hallkave e akterëve kudo që janë, qofshin menaxherë, OJQ, ekspertë, politikanë në pozitë, bile edhe atyre në opozitë.
Si ne të kaluarën, edhe tash, ne do jemi bashkë për të avancuar reformimin e sistemit tonë të brishtë shëndetësor.