Bota e futbollit është bashkuar në Brazil për t’i bërë nderimet e tyre legjendës së futbollit Pele. Trupi i pajetë i Peles është zhvendosur nga spitali ku ai vdiq në stadiumin e Santosit ku do të qëndrojë për 24 orë.
Me mijëra qytetarë, tifozë, futbollistë dhe drejtues të klubeve sportive dhe jo vetëm do të kryejnë homazhet e fundit në nder të golashënuesit më të mirë të Brazilit.
Pele, i cili fitoi Kupën e Botës me Brazilin në 1958, 1962 dhe 1970, vdiq në moshën 82-vjeçare më 29 dhjetor. Brazili shpalli tre ditë zie kombëtare pas vdekjes së Pele.
Gjatë transportit të trupit për në stadium kanë qenë të shumtë tifozët e zjarrtë të tij që e kanë përshëndetur parakalimin e kortezhit me fishekzjarrë.
