Ish futbollisti Philemon Mulala ka ndërruar jetë në moshën 60-vjeçare, pasi gruaja e tij e gjeti të vdekur në oborrin e shtëpisë duke qenë i kafshuar nga vetë qentë e tij.
Ish lojtari i Zambisë u deklaruar i vdekur të shtunën më 7 janar, në Lihtenburg, pra Afrikën Jugore.
Te tre qentë tashmë janë larguar nga prona duke u dërguar te shoqata për parandalimin e mizorisë ndaj kafshëve (SPCA).
Vdekjen e ish lojtarit e konfirmoi edhe policia, duke treguar se si ka ndodhur e tërë ngjarja.
“Gruaja e tij nuk shkoi fillimisht të kontrollonte se çfarë nuk shkonte [kur qentë po lehnin] pasi shtëpia e tyre ndodhet në një rrugë të frekuentuar dhe qentë lehnin shpesh ndaj këmbësorëve dhe automjeteve që kalonin”.
“Pasi u rikthye rryma [pas ngarkimit], ajo hyri brenda duke kërkuar burrin e saj, por nuk e gjeti. Pasi vazhdoi kërkimin e saj, gruaja pa burrin e saj të shtrirë pa lëvizur jashtë në kopsht.
“Ajo më pas doli jashtë, vetëm për të parë se burri ishte kafshuar nga qentë e tyre”, shkruhet në komunikatë.
Në gjashtë paraqitje për Zambinë, ai shënoi tre gola dhe luajti një sërë pozicionesh gjatë karrierës së tij, duke përfshirë mbrojtësin e majtë dhe anësorin e djathtë.
Federata e Zambisë nga ana tjetër ka bërë homazhe për ish futbollistin, që iu kishte ndihmuar të fitojnë trofe.
“Është një fund tragjik. Shumë që e kanë shikuar sidomos tifozët e Mufulira Wanderers janë pikëlluar”.
“Shumë e kujtojnë nga ditët e tij në kombëtare, ku ndihmoi në fitoren e trofeut të parë të Zambisë. Që pas pensionimit ai ka punuar me biznese në Afrikën Jugore”.