Anthony Joshua synon të bëhet kampion i botës në kategorinë e rëndë të boksit sërish brenda 16 muajve të ardhshëm, por së pari i duhet ta kalojë pengesën Jermaine Franklin në fundjavë.
Boksieri britanik do të përballet me amerikanin Franklin në Arenën O2 në Londër të shtunën.
Pasi i pësoi dy humbje radhazi për herë të parë në karrierë, shumë njerëz e vunë në dyshim rikthimin e tij në majat e boksit botëror, raporton Nacionale.
Por, 33-vjeçari do ta fillojë të shtunën rrugën e gjatë dhe sfiduese për t’u kthyer në majat e kategorisë së rëndë.
“Dëshira? Njëra ndër to është patjetër të bëhem kampion bote, gjë që mendoj se është e mundshme në 16 muajt e ardhshëm”, tha Joshua.
“Mendoj se duhet ta shohim se çfarë do të ndodhë me brezat këtë vit. Le të garohet për ta dhe pastaj mbase le të mbesin pezull dhe mandej e shohim se ku do të përfundojnë. Duhet të kem vazhdimësi, përqendrim në 12 apo 16 muajt e ardhshëm derisa jam në garë për titull”, shtoi ai.
Asociation “Loyola–Gymnasium” shpall konkurs për regjistrimin e nxënësve të rinj
Siç qëndrojnë gjërat, Usyk ende i mban tre titujt e pranuar në kategorinë e rëndë WBA (Super), IBF, dhe WBO, ndërsa Tyson Fury e mban të katërtit, WBC.
Joshua e pranoi se nëse e fiton një titull tjetër bote, atëherë do të largohet nga boksi.
“Nëse e kam edhe një ecuri tjetër si përpara, atëherë po flasim për shkuarjen drejt të dyzetave dhe më besoni boksi është sport për të rinj. Mendoj se dua të bëhem i suksesshëm përsëri dhe pastaj të largohem”, nënvizoi ai.