Ed Sheeran, Harry Styles dhe Adele janë përfshirë në listën e përpiluar nga ‘Sunday Times’, e cilai rendit personat më të pasur nën moshën 35-vjeçare në Britaninë e Madhe.
Të gjithë këta artistë kanë përjetuar sukses të jashtëzakonshëm anembanë globit. 32-vjeçari Ed Sheeran, arriti të pozicionohet më të larti në këtë listë, më saktësisht në vendin e shtatë, falë pasurisë në vlerë prej 300 milionë funtesh.
Adele pozicionohet në vendin e nëntë. Kantautorja 35-vjeçare e lindur në Londër besohet se e gëzon një pasuri prej 165 milionë funtesh, kjo pasi ka arritur t?i shesë më shumë se 100 milionë albume anembanë botës.
29-vjeçari Harry Styles, po ashtu është bërë pjesë e listës së ‘Sunday Times’, falë pasurisë prej 150 milionë funtesh. Ish-anëtari i grupit ‘One Direction’, vitin e kaluar e fitoi titullin e artistit me albumin më të shitur nga Britania e Madhe.