Turqia ka qenë një pengesë për anëtarësimin e Suedisë në NATO, e cila ka nevojë për miratim nga të gjithë anëtarët e aleancës, shkruan Skynews, transmeton Klankosova.tv.
Presidenti amerikan i tha Erdoganit se shpreson të mirëpres Suedinë në NATO “sa më shpejt të jetë e mundur”, tha Shtëpia e Bardhë në një deklaratë.
Erdogan i tha Biden sot se Suedia ka ndërmarrë hapa në drejtimin e duhur që Turqia të ratifikojë anëtarësimin, por se këta hapa nuk ishin të dobishëm pasi mbështetësit e Partisë së Punëtorëve të Kurdistanit (PKK) vazhduan të mbanin demonstrata në Suedi.
Sekretari i Përgjithshëm i NATO-s, Jens Stoltenberg tha se do të thërriste nesër një takim mes Erdoganit dhe kryeministrit suedez Ulf Kristersson në Vilnius.
Ndryshe, Biden pak kohë më parë ka arritur në Britani, ku do të takohet me kryeministrin e këtij vendi Rishi Sunak dhe Mbretin Charles III.