Sipas informacioneve të publikuara në rrjetin social Twitter nga gazetari, Achraf Ben Ayad, Barcelona ka marrë një propozim zyrtar nga Arabia Saudite për Raphinha-n.
Është e vështirë të mendosh se, në moshën 26-vjeçare, Raphinha vendos të ndërmarrë hapin për t’u larguar në një ligë si ajo arabe. Lojtari tregoi tashmë në fund të sezonit të kaluar gatishmërinë e tij për të vazhduar te Barcelona.
Përveç kësaj, Xavi Hernandez i ka varur tabelën “i patransferueshëm”, pavarësisht se ka edhe Ousmane Dembele-n në ekip. Të dy preferojnë të luajnë në krahun e djathtë dhe përvojat e tyre në krahun e majtë vitin e kaluar nuk ishin të kënaqshme.
Megjithatë, trajneri është i vetëdijshëm se me Raphinha dhe Dembele sigurohet prania e një lojtari më të mirë në të djathtë, më shumë duke theksuar se francezi zakonisht ka të paktën një dëmtim të madh në sezon.
Raphinha mbylli një sezon të parë të shkëlqyer te Barça, në të cilin luajti 50 ndeshje dhe shënoi 10 gola, disa vendimtarë, si dhe shpërndau dymbëdhjetë asistime.
Është gjithashtu një sezon kyç për të, sepse vitin e ardhshëm është Copa America dhe trajneri i ardhshëm i Brazilit është në La Liga (Carlo Ancelotti), ndërsa lojtari ka humbur vendin e tij te kombëtarja. Ai nuk ka hyrë në asnjë nga dy thirrjet që janë bërë pas Botërorit.Albanian Post