Skuadra e Superligës së Kosovës, Ballkani sonte luan ndeshjen kthyese ndaj Ludogorets në fazën parakualifikuese të UEFA Champions League.
Kapiteni i klubit bullgar, Kiril Despodov beson se skuadra e tij është shumë më e fortë se Ballkani.
Madje ai thotë se ekipi i tij mund t’i shënojë Ballkanit dy apo më shumë gola.
“Fryma në dhomat e zhveshjes është të fitojmë kundër Ballkanit. Pati një rënie në humorin pas lojës. Kemi shumë punë dhe një lojë të vështirë përpara nesh. Megjithatë ne jemi vendosur të bëjmë gjithçka për ta eliminuar Ballkanin. Ne kemi cilësitë për të shënuar më shumë se dy gola”, u shpreh kapiteni i klubit bullgar.
Kujtojmë që ndeshja kthyese zhvillohet sonte nga ora 20:00 dhe skuadra kosovare është në avantazh prej dy golave pas fitores në “Fadil Vokrri” 2 me 0.