Derisa të mbyllet çështja Kylian Mbappe, ka një palë të tretë, përveç Real Madrid-it dhe parisienëve, që nuk do të jetë i qetë, Napoli. Italianët kanë frikë se PSG-ja do të shkojë pas idhullit të tyre të ri, Victor Osimhen, sulmuesi kryesor i skuadrës kampione të Italisë dhe kyç në projektin e ri të Rudi Garcia-s.
Presidenti i Napoli-t, Aurelio De Laurentiis pranoi publikisht dhe privatisht se i vetmi klub që mund të përballojë transferimin është francezi, edhe pse me një çmim shumë të lartë: “Rreth 200 milionë euro”.
Për momentin nuk ka mbërritur asnjë telefonatë për nigerianin, ndonëse ditën e mërkurë një nga udhëtimet e tij ka ndezur alarmin. Osimhen përfitoi nga dy ditët e pushimit që Garcia i dha për të shkuar në Paris me familjen dhe miqtë. Ndonëse nuk ishte hera e parë për të në kryeqytetin francez, pushimet e shkurtra i shqetësuan tifozët, ndërsa klubi ishte shumë i qetë.
Gjatë javës së kaluar, agjenti i sulmuesit, Calenda, kaloi disa ditë në Dimaro, vendi i kampit të stërvitjes parasezonale të klubit, për të negociuar rinovimin e sulmuesit.
De Laurentiis dëshiron të zgjasë kontratën aktuale, e cila skadon në vitin 2025, deri në vitin 2027, duke përmirësuar pagën e tij (4.5 milionë neto).
Mungojnë ende detajet (sidomos për klauzolën e përfundimit), por ata janë optimistë dhe shpresojnë të shpallin marrëveshjen e re së shpejti. Një fund i lumtur, përderisa PSG nuk mendon ndryshe. Albanian Post