Në 25-vjetorin e flijimit, u përkujtua sot jeta dhe vepra e heroit të Kosovës, Remzi Ademaj – Komandant Petriti.
Kryetari Shaqir Totaj, së bashku me zyrtarë të ekzekutivit, familjarë, bashkëluftëtarë të dëshmorit, shoqata të dala nga lufta, qytetarë dhe përfaqësues të institucioneve të shumta, bënë homazhe në varrezat e dëshmorëve në Landovicë.
“Komandant Petriti është prej dëshmorëve simbol të luftës së pastër të Ushtrisë Çlirimtare të Kosovës, si institucioni më kredibil, i të gjitha kohërave, i rezistencës së shqiptarëve karshi okupatorit. Lavdi Remzi Ademajt, të gjithë dëshmorëve e martirëve dhe heronjve të gjallë!” – u shpreh Totaj.