Shefi i ri i agjencisë muzikore J-pop, e turpëruar nga abuzimi i gjerë seksual i kryer nga themeluesi i saj i ndjerë Johnny Kitagawa, është akuzuar gjithashtu për sulme seksuale ndaj djemve të rinj.
Noriyuki Higashiyama ka thënë se nuk mund t’i kujtonte aktet e raportuara për të cilat ai ka thënë se mund të kenë ndodhur ose jo.
Ai u emërua shefi i ri i Johnny and Associates pasi Julie Fujishima dha dorëheqjen për shkeljet e xhaxhait të saj.
Ai do të udhëheqë përpjekjet e agjencisë për të kompensuar viktimat dhe për të kërkuar ndryshime.
Megjithatë, ai është përballur gjithashtu me pyetje në lidhje me abuzimin e tij të raportuar.
Gjatë një konference, ai është pyetur nëse ishin të vërteta pretendimet e publikuara në një libër se ai ngacmonte djemtë e agjencisë.
“Nuk e mbaj mend qartë. Ndoshta ka ndodhur, ndoshta jo. E kam problem ta kujtoj”, ka thënë ai.
56-vjeçari ka shtuar se ishte e mundur që ai të kishte qenë më i rreptë me interpretuesit më të rinj dhe se mund të kishte bërë gjëra që si adoleshent ose në të 20-at e tij që nuk do t’i bënte tani.
Lidhjet dekada të vjetra të Higashiyama me markën Johnny and Associates kanë bërë gjithashtu shumë të pyesin se si ai mund ta ndryshojë kompaninë dhe si të mbrojë talentin e saj.
Sakaq, Kitagawa ishte padyshim figura më me ndikim dhe më e fuqishme në industrinë e argëtimit të Japonisë.
Agjencia e tij ka qenë për dekada sinonim i kulturës J-pop dhe ishte porta e yjeve për shumë të rinj.
Por Johnny and Associates tani mban emrin e një grabitqari seksual.Albanian Post