6.8 C
Prizren
E diel, 27 Tetor, 2024

Ukraina nis sulmin me raketa në Krime

Rusia thotë se Ukraina ka lëshuar 10 raketa dhe tre anije pa pilot në sulm ndaj shtëpisë së flotës së saj të Detit të Zi në Krime.

Si pasojë e sulmit u shkaktua zjarr i madh në një kantier detar të Sevastopolit, i cili la 24 të plagosur, tha Rusia, raporton BBC, transmeton Klan Kosova.

Guvernatori i Moskës, Mikhail Razvozhayev, tha se shumica e armëve u kapën.

Rusia shtoi se dy nga anijet e saj u dëmtuan si rezultat i goditjeve nga raketat.

Imazhet që qarkullojnë në rrjetet sociale, të cilat BBC thotë se ende nuk i ka verifikuar, tregojnë disa shpërthime të mëdha në zonë.

Rusia aneksoi ilegalisht Krimenë nga Ukraina në vitin 2014.

Ukraina ka shënjestruar Sevastopolin dhe flotën e Detit të Zi më parë, por ky duket të jetë një nga sulmet e saj më të bashkërenduara deri më tani.

Shtatë nga raketat u rrëzuan dhe të tre varkat u shkatërruan, pohoi ministria e mbrojtjes e vendit.

Ukraina nuk ka komentuar ende për sulmin në Krime.

Ndërkohë, dronët rusë raportohet se kanë dëmtuar portin ukrainas të grurit të Izmail, në lumin Danub.

Guvernatori i rajonit Odesa, Oleh Kiper, tha se gjashtë persona ishin plagosur në sulm, i cili shkaktoi zjarr dhe dëmtoi infrastrukturën.

Më Shumë

Mbi 400 mësimdhënës të Prizrenit ndoqën trajnime të reja arsimore

Mbi 400 mësimdhënës në Prizren morën pjesë në trajnime nga fusha të ndryshme arsimore, duke forcuar aftësitë e tyre profesionale në përputhje me kërkesat...

MAPL kërkon të rishqyrtohet vendimi i Kuvendit të Suharekës lidhur me zhvillimin e ankandit për një pronë komunale

Vendimi i Kuvendit të Komunës së Suharekës me anë të cilit parashihej dhënia e pëlqimit për zhvillimin e procedurave të ankandit publik për dhënien...

Lajmet e Fundit